Natalie Sindile Nyathi
UMthungameli obona ngenzentuthuko kanye lokuphucuka kwelizwe uMthuli Ncube ebesedolobheni lakoBulawayo eNational University of Science and Technology (NUST), efundisa abafundi abakuzinga eliphezulu bezindawo ezitshiyeneyo ngeqhinga lokuthuthukisa ilizwe.
Iqhinga lokuthuthukisa ilizwe (NDS 1) luhlelo olwethula amanyathelo azalandelwa okweminyaka emihlanu yakuqala ahlose ukugcwalisa umbono we-Vision 2030 ngesikhathi esifanayo kusenziwa imizamo yokuphumelelisa izifiso zabantu bonke mayelana lenhloso zentuthuko engelakutshabalalisa( Sustainable Development Goals SDGS) kanye le- Africa Agenda 2063.
Iqhinga lokuthuthukisa ilizwe (NDS 1) ligxile kuziqondiso ezimqoka zokukhokhela ezine. Okokuqala yikunanzelela ukuthi kudingeka amanyathelo enguquko alokuzethemba lokungathandabuzi ukuze asekele imizamo yokufinyelela kuVision 2030. Inguquko ezakancane kancane kayisoze ilethe utshintsho olufanele abantu beZimbabwe.
Umthungameli uthe:
“Okwenzakalayo ngom’ ekhonomi wethu yimgwagqo eyakhiwayo, esiyakhiwe, amadamu ayakhiwayo, lekudleni sesisenelisa ukuzifeeda asisadingi ukucela ukudla kwabanye abantu ngoba ukudla esilakho, sigebha izibholana ukuze abantu belizwe lethu bathuthuke. Okwenzakala kwezemigodini lapha lakho futhi kunengi kulama investors, abanye bakuIron leSteel abanye bakugolide , lathi ngengohulumende siyasekela”
“kuviki eliphelileyo bekulaunch(a) iUS$10 million Gold Fund eyokusekela amaSmall Scale Miners ngoba kuyibo abaletha igolide elinengi elifika (60%) eliyilo elithengiswa nguHulumende phandle kwelizwe”
UMthungameli Mthuli Ncube uvale ngokuthi ilizwe lethu liyathuthuka lisiyaphambili silikhangele ngamehlo ethu thina banika balo .
“Ngibona angathi uVision 2030 singambamba sibili”